एनआइसी एशिया बैंक लिमिटेडको मंसिर २१ गते सम्पन्न २३औं वार्षिक साधारण सभाद्वारा पारित गत आर्थिक वर्ष २०७६/७७ को मुनाफा तथा सञ्चित मुनाफाबाट वितरण गरिएको १९ प्रतिशत बोनस सेयर नेपाल स्टक एक्स्चेञ्ज (नेप्से)मा सूचीकृत भएको छ । बैंकको १ करोड ८४ लाख ६३ हजार ५ सय ३८ कित्ता सेयर माघ २ गते नेप्सेमा सूचीकृत भएको हो ।

उक्त बोनस सेयर वितरणपश्चात बैंकको चुक्ता पूँजी ११ अर्ब ५६ करोड ४० लाख ५ हजार ३ सय ६६ रुपैयाँ पुगेको छ । बोनस सेयर धितोपत्रको दोस्रो बजारमा माघ ५ देखि कारोबार गर्न मिल्नेगरी सम्बन्धित सेयरधनीहरूको डिम्याट खातामा जम्मा गर्ने व्यवस्था मिलाइने बैंकले जनाएको छ । बैंकले मुलुकभर रहेका ३३९ शाखा कार्यालय, ४७१ एटीएम, ८८ वटा विस्तारित काउण्टर एवं ७८ वटा शाखारहित बैंकिङमार्फत बैंकिङ सेवा प्रदान गरिरहेको छ । आफूलाई मुलुककै सबैभन्दा ठूलो शाखा सञ्जाल भएको दाबी गर्ने बैंकको २२ लाखभन्दा बढी ग्राहक छन् ।

प्रकाशित समय १२:३० बजे