गृहपृष्ठ कुवेतको लुलु एक्सचेन्जबाट ‘मेगा रेमिट’ सेवा
कुवेतको लुलु एक्सचेन्जबाट ‘मेगा रेमिट’ सेवा
मेगा बैंक नेपालले कुवेतमा ‘मेगा रेमिट’ सेवा विस्तार गरेको छ । मेगा बैंक र कुवेतको लुलु एक्सचेन्ज कम्पनीबीच रेमीट्यान्स कारोबारसम्बन्धी सम्झौता भएको हो ।
लुलु एक्चेन्जसँगको साझेदारीपछि कुवेतमा रहेका नेपालीलाई नेपालमा रकम पठाउन सहज, सुलभ र प्रभावकारी हुने मेगा बैंकको विश्वास छ । लुलु एक्सचेन्जका २२ वटा शाखाबाट नेपालीले नेपालमा मेगा रेमिटमा रकम पठाउन सक्ने बैँकले जनाएको छ । लुलु एक्सचेन्जको मोबाइल एपमार्फत पनि रकम पठाउन सकिनेछ ।
नेपालीले कुवेतबाट पठाएको रकम मेगा बैंकका शाखा र मेगा बैंकका देशभर रहेका ३ हजार २ सयभन्दा बढी एजेन्टमार्फत तुरुन्तै भुक्तानी लिन सकिन्छ । ‘मेगा रेमिट’ सेवालाई संसारका विभिन्न देशमा जोड्ने क्रममा मेगा बैंकले कुवेतमा पनि सेवा विस्तार गरेको हो । मेगा बैंकले यसअघि नै कुवेतकै अल मुल्ला एक्सचेन्जबाट पनि रकम पठाउने व्यवस्था मिलाइसकेको छ ।
प्रकाशित समय १९:४९ बजे