कुमारी बैंकले मोबाइल बैँकिङ एप कुमारी स्मार्टमार्फत आन्तरिक रेमिट्यान्स पठाउन मिल्ने व्यवस्था सुरु गरेको छ । रेमिटकर्ताले प्रापकको नाम र मोबाइल नम्बरका आधारमा देशव्यापी जसलाई पनि रकम पठाउन सक्नेछन् ।

ग्राहकले कुमारी बैंकका देशभरका शाखा र बैंकका १० हजारभन्दा बढी रेमिट एजेन्ट कार्यालयबाट रकम बुझ्न सक्नेछन् । नेपालमा यस्तो सहज रेमिट भुक्तानी सुविधा सुरुवात गर्ने कुमारी बैंकमात्र हो । यो प्रणालीबाट कारोबार सीमा भने प्रचलित मोबाइल बैंकिङ दैनिक कारोबार सीमाअन्तर्गत नै पर्नेछ ।

प्रकाशित समय ०९:१७ बजे