नबिल बैंकले आफ्ना भिसाकार्ड वाहक ग्राहकलाई लक्षित गरेरी ‘नबिल भिसाकार्ड क्यास ब्याक’ नामक नबिल भिसाकार्ड प्रवर्धनात्मक नगद फिर्ता योजना सुरु गरेको छ । यस योजनाम नबिल भिसाकार्ड बाहक ग्राहकले १० प्रतिशत नगदै फिर्ता पाउनेछन् ।

१० प्रतिशत नगद फिर्ता योजनाअन्तर्गत कुनै पनि नबिल बैंक भिसाकार्ड वाहक (डेविट/ क्रेडिट/ प्रिपेड) ग्राहकले नेपालभित्रका पीओएसबाट प्रत्येक पटक सफल कारोबारको १० प्रतिशत अथवा अधिकतम ५०० सय रुपैयाँ नगदै फिर्ता पाउनेछन् । यो योजना मंसिर १४ देखि पुस १९ सम्म लागू रहने कम्पनीद्वारा जारी विज्ञप्तिमा उल्लेख छ ।

यो योजनाले भिसाकार्डवाहक ग्राहकलाई कार्डमार्फत भुक्तानी गर्ने अभ्यासलाई प्रोत्साहन गर्ने तथा नगदरहित कारोबारलाई बढावा दिनुका साथै उनीहरुलाई पीओएस तथा इकमर्सको लागि कार्डको प्रयोग बढीभन्दा बढी गर्न र विद्युतीय कारोबारलाई सजिलोसँग प्रयोग गर्नका लागि प्रोत्साहन गर्ने नबिल बैंकका निमित्त प्रमुख कार्यकारी अधिकृत अनिलकेशरी शाहले जानकारी दिए ।

प्रकाशित समय ०६:४५ बजे