सिटी एक्सप्रेस मनी ट्रान्सफरले आफ्नो साउदी स्थित सेवाग्राहीहरुलाई लक्षित गर्दै साउदीकै (इन्जाज बैक अल बिलाड) Enjaz–Bank Al Bilad सँगको सहकार्यमा हरेक कारोबारमा आकर्षक उपहार योजना ल्याएको थियो ।

सो योजना ३० जनवरी २०२० देखि ३० अप्रिल २०२० (३ महिना) सम्म चलेको थियो । जसअन्तर्गत योजना अवधिभर ४५ जना बिजेताहरुले सिटी माक्स सपिङ भाउचर, २४ जनाले ५ ग्राम सुनका सिक्का र अन्त्यमा ६ जनाले हवाई टिकट जित्न सक्ने योजनामा रहेको थियो ।

सोही योजनाअनुरुप साउदीमा कार्यरत बिकास थडराई, गोविन्द नेपाली, पूर्णबहादुर रिमाल, होमराज सापकोटा र किस्मत सार्कीले बम्पर उपहार स्वरुप हवाई टिकट जित्न सफल भएका छन् । कोरोना भाइरस महामारीको कारणले हवाई टिकटको सट्टामा विजेताहरुले २००० साउदी रियाल प्राप्त गरेको जनाएको छ ।

सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउदै बिगत १४ वर्षदेखि कोरिया, जापान, साउदी, कतार, कुवेत, मलेसिया, अष्ट्रलियालगायतका थुप्रै देशहरुमार्फत् विप्रेषण सेवा प्रदान गर्दै आइरहेको छ । आन्तरिक विप्रेषणअन्तर्गत सिटी एक्सप्रेसका देशभर छरिएर रहेको आठ हजार ५०० भन्दा बढी भुक्तानी केन्द्रहरुमार्फत् छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिनेजस्ता सुविधाहरु प्रदान गर्दै आइरहेको छ ।

प्रकाशित समय १५:३० बजे