राजस्व अनुसन्धान विभागले मूल्य अभिवृद्धि कर (भ्याट) छली गर्ने १० व्यवसायीविरुद्ध मुद्दा दायर गरेको छ । विभागले व्यवसायी प्रदीप साहसहितका १० जनाविरुद्ध भ्याट छली आरोपमा ६५ करोड मागदाबीसहित उच्च अदालत पाटनमा मुद्दा दायर गरेको हो ।

साहले आरकेएम ट्रेडिङ प्रालिलगायत विभिन्न १३ वटा फर्म कमजोर आर्थिक अवस्था भएका मजदुरलगायतका व्यक्तिको नाममा दर्ता गरी सञ्चालन गर्ने गरेर भ्याट छलेको विभागको आरोप छ । ती सबै फर्मको बैँक खाता प्रदीप साहले सञ्चालन गरी विभिन्न फर्महरुको नाममा झुटा र नक्कली बिलबिजक जारी गरेको विभागको अनुसन्धानमा खुल्न गएको छ ।

प्रकाशित समय ०७:५४ बजे