नयाँ शक्ति नेपालका संयोजक बाबुराम भट्टराईलाई अमेरिकामा रहेका नेपालीले कालो झण्डा देखाएका छन् । जनयुद्धको समयमा तत्कालिन माओवादीका कारण धेरै नेपालीको मृत्यु भएको भन्दै उनीहरुले बाबुराम भट्टराईलाई कालो झण्डा देखाएर विरोध गरेका हुन् ।

संयोजक भट्टराई र पत्नी हिसिला यमी डिसी मेट्रोबाट टेक्सस जाने क्रममा त्याहाँ रहेका नेपालीले नाराबाजी गरेका थिए । नारा लगाएको व्यक्तिलाई संयोजक भट्टराईने दुईहात जोडेर नमस्कार गरेका थिए । तर, सहभागीहरुले भने उनी विरुद्ध चर्को नारा लगाएका थिए ।

भट्टराई विरुद्ध उनीहरुले ‘मर्डरर गो ब्याक’ भन्दै नारा लगाएका थिए । १० वर्षे जनयुद्धको समयमा १७ हजार भन्दा धेरै नागरिकको मृत्यु भएको थियो । अहिले पनि युद्धको समयमा भएको घटनालाई लिएर तत्कालिन माओवादी नेताहरुको विरोध हुने गरेको छ । अहिले माओवादी टुटफुट भएर नेताहरु तितर बितर भएका छन् । तर,उनीहरुलाई विरोध गर्ने क्रम रोकिएको छैन ।

डा. भट्टराईले तत्कालिन माओवादीबाट बाहिरिएर नयाँ शक्ति नेपाल पार्टी गठन गरेका हुन् । गत भदौ २८ गते अमेरिका प्रस्थान गरेका संयोजक भट्टराई सोज २२ गते नेपाल फर्किने कार्यक्रम छ ।

भिडियो फेसबुकबाट

प्रकाशित समय ११:४२ बजे