सीमान्तकृत मेचे जातिको बसोबास रहेको झापाको मेचीनगर नगरपालिका–११ को एक विद्यालयको लागि कम्प्युटर वितरण गरिएको छ ।

नगरपालिका ११ धाइजनस्थित भानु आधारभूत विद्यालयलाई सञ्जीवनी महिला विकास संस्थाले कम्प्युटर र प्रिन्टर सहयोग गरेको छ ।

शनिबार एक कार्यक्रममा विद्यालयलाई सञ्जीवनी संस्थाले प्रविधिका साधनहरु हस्तान्तरण गरेको हो ।

संस्थाकी अध्यक्ष रेणुका डाँगीले सांसद सुरेन्द्र कार्कीको पूर्वाधार विकास बजेटबाट प्राप्त रकमबाट विद्यालयलाई कम्प्युटर र प्रिन्टर प्रदान गरिएको बताइन् ।

विसं २०२५ मा स्थापना भएको भानु आधारभूत विद्यालयमा अध्ययनरत अधिकांश विद्यार्थी र केही शिक्षक मेचे समुदायकै रहेका प्रधानाध्यापक विष्णुकुमारी राउतले जानकारी दिए ।

उनका अनुसार विद्यालयमा पहिलोपटक कम्प्युटर भित्रिएको छ । प्रदेशसभा सदस्य गोपाल बुढाथोकीले विद्यालयद्वारा निर्माण गरिएको स्वर्ण महोत्सव स्तम्भको अनावरण र प्रकाशित गरिएको स्वर्ण स्मारिकाको पनि विमोचन गरिएको छ । (रासस)

प्रकाशित समय १५:५९ बजे