जनकपुरधाम उपमहानगरपालिकाले विभिन्न शीर्षकमा लगाएको करको विरोध गर्दै आएका नेपाली कांग्रेस धनुषाले बिहीबार धर्ना दिँदै विरोध गरेको छ । जनकपुर उपमहानगरपालिकामा साइकलदेखि घरवहालमासमेत करको दायरा फराकिलो गरेको भन्दै कांग्रेस धनुषाल नगर कमिटीले निरन्तर विरोध गर्दै आएको छ ।

उपमहानगरपालिकाको २५ वटै वाडा कार्यालयमा बिहान १० बजेदेखि धर्नामा बसेको कांग्रेसका युवा नेता जीवनाथ चौधरीले जानकारी दिए । नेता चौधरीका अनुसार उपमहानगरपालिकाले सर्वसाधारण जनताको ढाड सेक्ने गरि आफुखुशी कर बढाएकाले कांग्रेस धनुषा आन्दोलित भएको हो ।

धर्ना शुक्रबारसमेत जारी रहने उनले बताए । उनका अनुसार जनकपुरधाम उपमहानगरपालिकाले लगाएको करको दायरा नघटाए चरणबद्ध विरोधको कार्यक्रमलाई निरन्तरता दिने उनको भनाई थियो ।

प्रकाशित समय १५:२५ बजे