बेल्जियमलाई १–० ले पराजित गर्दै फ्रान्स रुसमा जारी विश्वकप फुटबलको फाइनलमा प्रवेश गरेको छ । सेन्ट पिटर्सबर्गमा मंगलबार राति पहिलो हाफमा गोलरहित बराबरी भएको खेलमा फ्रान्सका लागि ५१ औँ मिनेटमा सामुएल उमटिटीले गरेको गोल नै निर्णायक बन्न पुग्यो ।

सन् १९९८ को विश्व विजेता २० वर्षपछि फेरि उपाधि नजिक पुगेको छ । तर, उत्कृष्ट प्रदर्शन गरेपनि बेल्जियमको उपाधि जित्ने सपना भने टुटेको छ । रोबर्टो मार्टिनेजको टिम २५ औँ खेलमा आएर निराश बनेको हो ।

क्वाटरफाइनलमा फ्रान्सले दक्षिण अमेरिकी देश उरुग्वेलाई २–० ले पराजित गर्दै अन्तिम चारमा स्थान सुरक्षित गरेको थियो भने बेल्जियमले पाँच पटकको विजेता ब्राजिललाई घर फर्काएको थियो । अब फ्रान्सले बुधबार हुने इंग्ल्याण्ड र क्रोयशियाबीचको खेलको विजेतासँग उपाधिका लागि प्रतिस्पर्धा गर्नेछ ।

प्रकाशित समय ०७:२५ बजे