नेशनल लाईफ इन्स्योरेन्सको ३० औं बार्षिक साधारणसभाले साधारण सभाले चुक्ता पूंजीको १३.५ प्रतिशत बोनस शेयर र कर प्रयोजनका लागि १ करोड ८८ लाख २७ हजार नगद लाभश पारित गरेको छ ।
साधारणसभामा कम्पनी अध्यक्ष प्रेमा सिंहले आर्थिक वर्ष २०७३÷७४ मा कम्पनीले ५ अर्ब ६ करोड बीमा शुल्क संकलन गरेर १ अर्ब ६९ करोड दावी भुक्तानी गरेको बताइन् । उनले त्यस अबधिमा कम्पनीले ४१ करोड खुद मुनाफा आर्जन गरेको जानकारी दिइन् । त्यस अबधिमा कम्पनीको लगानी १९.४२ प्रतिशतले बृद्धि भई १६ अर्ब ९६ करोड पुगेको छ । कम्पनीको बीमा कोष गत वर्षको तुलनामा २०.८० प्रतिशतले बृद्धि भई २०७४ असार मसान्तसम्ममा १७ अरब २९ करोड पुगेको उनले जानकारी दिइन् ।
अध्यक्षले गत साधारणसभावाट पारित निर्णयअनुसार ६० प्रतिशत हकप्रद शेयर जारी प्रक्रृया सम्पन्न भई समिक्षा वर्षको प्रस्तावित वोनस शेयर समेत गरी कूल चुक्ता पूँजी ३ अरबभन्दा बढी हुन जाने जानकारी गराइन् ।

प्रकाशित समय १८:४३ बजे