आइएमई जनरल इन्स्योरेन्सले गत आर्थिक वर्षको चौथो त्रैमासको वित्तीय विवरण सार्वजनिक गरेको छ । सार्वजनिक विवरणअनुसार कम्पनीले चौथो त्रैमाससम्ममा १ अर्ब ३६ करोड रुपैयाँ कुल बिमा शुल्क संकलन गरेको छ ।

कम्पनीले अघिल्लो वर्षको सोही अवधिमा १ अर्ब २६ करोड रुपैयाँ कुल बिमा शुल्क संकलन गरेको थियो । गत वर्षको तुलनामा कम्पनीको कुल बिमा शुल्क संकलन ८.८५ प्रतिशतले बढेको छ ।

कम्पनीले गत वर्ष ३ हजार ५१२ वटा बिमा दाबी भुक्तानी गरेको छ भने २ हजार ९६४ वटा बिमा दाबी भुक्तानी गर्न बाँकी छ । कम्पनीले बिमा दाबीबापत ७४ करोड २६ लाख रुपैयाँ भुक्तानी गरेको छ भने ४४ करोड ७० लाख रुपैयाँ बिमा दाबी भुक्तानी गर्न बाँकी छ ।

समीक्षा अवधिमा कम्पनीले २१ करोड २ लाख रुपैयाँ खुद नाफा गरेको छ । कम्पनीले अघिल्लो वर्षको सोही अवधिमा १४ करोड ४५ लाख रुपैयाँ खुद नाफा गरेको थियो । कम्पनीको खुद नाफा अघिल्लो वर्षको तुलनामा ४५.४४ प्रतिशतले बढेको हो ।

कम्पनीको जगेडा कोषमा २० करोड ९६ लाख रुपैयाँ छ । त्यस्तै बिमा कोषमा ३५ करोड ६२ लाख रुपैयाँ छ । वित्तीय विवरणअनुसार कम्पनीको प्रतिसेयर आम्दानी १४ रुपैयाँ ४४ पैसा छ ।

प्रकाशित समय १६:०४ बजे