शिखर इन्स्योरेन्स कम्पनी ‘ए’ रेटिङ प्राप्त गर्ने देशको पहिलो तथा एक मात्र बिमा कम्पनी बनेको छ । शिखर इन्स्योरेन्सलाई इक्रा नेपालले ए रेटिङ प्रदान गरको हो ।

ए रेटिङ प्राप्त कम्पनीले वित्तीय दायित्वको समयमै भुक्तानी गर्न सक्षम रहने र न्यून कर्जा जोखिम रहने कुराको संकेत गर्छ । रेटिङ जारी गर्दा कम्पनीको बजार हिस्सा, दाबी व्यवस्थापन, शाखा सञ्जाल, सोल्भेन्सी स्थिति, व्यवस्थापन पक्ष, पुनर्बिमा व्यवस्थापन, महाविपत्ति जोखिम व्यवस्थापनलगायत विविध पक्षको अध्ययन गरिन्छ ।

कम्पनीको सबल तथा सक्षम व्यवस्थापन पक्ष तथा कर्मचारी रहेको, सुदृढ बजार हिस्सा तथा शाखा सञ्जाल रहेको, सम्पत्ति, नेटवर्थ, बिमा शुल्कमा अग्रणी कम्पनी रहेकाले ए रेटिङ दिइएको इक्रा नेपालले जनाएको छ । यस्तै, दाबी भुक्तानीको लागि पर्याप्त सोल्भेन्सी तथा तरलता रहेको भूकम्प जस्तो महाविपत्तिका लागि पर्याप्त महाविपत्ति पुनर्बिमा व्यवस्थापन गरिएको र सबल पुनर्बिमा व्यवस्थापन तथा उत्कृष्ट पुनर्बिमकहरुको साथ प्राप्त भएको पनि रेटिङमा उल्लेख छ ।

प्रकाशित समय २१:४७ बजे