सानिमा बैंकले अनलाइनमार्फत क्रेडिट कार्डका लागि आवेदन दिन सक्ने व्यवस्था गरेको छ । ग्राहकको सुविधा र सुरक्षालाई ध्यानमा राख्दै अनलाइनबाटै क्रेडिट कार्डका लागि आवेदन दिन सक्ने व्यवस्था मिलाएको बैंकले जनाएको छ ।

ग्राहकले क्रेडिट कार्ड आवेदन दिनका लागि बैंकको वेबसाइटमा गएर ‘क्रेडिट कार्ड आवेदन’मा क्लिक गरी फारममा उल्लेखित आवश्यक विवरण भरी सरल रुपमा आवेदन दिन सक्नेछन् । फाराम भरेसँगै क्रेडिट कार्ड स्वीकृत भएको र कार्ड उपलब्ध गराइने समयसम्बन्धी जानकारी इमेल तथा फोनबाट गराउने बैंकले जनाएको छ । क्रेडिट कार्ड आवेदनका लागि बैंकसम्म भौतिक रुपमा पुग्नु नपर्ने भएकाले यो प्रक्रिया सरल, सुरक्षित हुनुका साथै समयको पनि बचत हुन्छ । सानिमा बैंकको क्रेडिट कार्ड प्रयोग गरी अनलाइन सपिङ गर्दा छुट प्राप्त गर्नुका साथै मासिक किस्तामा सामान खरिद गर्न सकिने जारी विज्ञप्तिमा उल्लेख छ ।

सानिमा बैंकले डिजिटल बैंकिङ प्रणालीलाई प्राथमिकता दिँदै समयानुकूल विभिन्न ग्राहकमैत्री सेवा तथा सुविधा परिस्कृत रुपमा उपलब्ध गराउँदै आएको छ । देशभर सानिमा बैंकका ८२ शाखा कार्यालय, १५ विस्तारित काउन्टर र ८१ एटीएम छन् ।

प्रकाशित समय १७:२८ बजे