मुक्तिनाथ विकास बैंकले आज आइतबार बैंकको लोगोको प्रतिक ‘मुक्ति भाई’ नामक नयाँ ब्राण्ड मस्कट सार्वजानिक गरेको छ । बैंकका अध्यक्ष भरतराज ढकाल र प्रमुख कार्यकारी अधिकृत प्रद्युम्न पोखरेलद्वारा संयुक्त रुपमा एक कार्यक्रममार्फत बैंकको मस्कट सार्वजनिक गरिएको हो ।

आगामी दिनमा बैंकले सोही मस्कटलाई ब्राण्ड बनाएर आफ्नो विभिन्न सेवा, सुविधा र उत्पादनहरुको प्रचारप्रसार गर्ने बैंकले जनाएको छ । मस्कट सार्वजनिक कार्यक्रममा बैंकका संस्थापक सेयरधनीहरु तथा व्यवस्थापनका कर्मचारीहरुको उपस्थिति थियो । कार्यक्रमको बैंकको फेसबुक पेजमार्फत लाइभ प्रसारण गरिएको थियो ।

मुक्तिनाथ विकास बैंकले कोरोनाको संक्रमणबाट सुरक्षित भई डिजिटल बैंकिङ कारोबार र प्रणालीलाई प्रोत्साहन गर्न VISA NETWORK अन्तर्गतको जुनसुकै बैंकको ATM बाट विना कुनै शुल्क रकम झिक्न सकिने व्यवस्था गरेको छ । त्यसैगरी मोबाइल बैंकिङ, क्यूआर कोड स्क्यान, अनलाइन कर्जा आवेदन, अनलाइन खाता खोल्ने, ईन्टरनेट बैंकिङ, खातामै रेमिट्यान्स जम्मा आदिजस्ता कार्यहरु बैंकको शाखामा उपस्थित नभई घरबाट गर्न सकिने व्यवस्था गरिएको बैंकले जनाएको छ । हाल बैंकको १३८ वटा शाखा कार्यालय रहेका छन् ।

प्रकाशित समय १३:२१ बजे