नेपाल स्टक एक्सचेञ्जले अनलाइन कारोबार प्रणाली सुरु गरेको छ । काठमाडौंमा मंगलबार अनलाइन कारोबार प्रणलीको अर्थमन्त्री डा. युवराजव खतिवडाले उद्धघाटन गरेका हुन् ।

योसँगै घर वा कार्यालय आफू अनुुकुल ठाउँबाटै शेयरको किनबेच गर्न सकिने छ । यसका लागि धितोपत्र ब्रोकरको कार्यालयबाट कारोबार गर्न युजरनेम र पासवर्ड लिने प्रक्रिया भने पूरा गर्नुपर्ने छ ।

यसका लागि ब्यक्तिगत विवरणका साथै मोबाइल नम्बर र इमेल ठेगाना ब्रोकर कार्यालयमा अनिवार्य रुपमा बुझाउनुपर्नेछ । युजरनेम र पासवर्डका आधारमा जहाँबाट पनि शेयरको कारोबार गर्न सकिने नेपाल स्टक एक्सचेञ्जले जनाएको छ ।

अनलाइन प्रणाली लागु भएपछि शेयर कारोबारमा नागरिकको पहुँच बढ्नुका साथै शेयर कारोबारका लागि ब्रोकर कार्यालयमा जानै पर्ने बाध्यता हट्ने नेपाल स्टक एक्सचञ्जले जनाएको छ ।

प्रकाशित समय ११:२२ बजे