मेगा बैंक नेपाल लिमिटेडको पूर्ण स्वामित्वमा रहेको कम्पनी मेगा क्यापिटल मार्केट्स लिमिटेडले मर्चेन्ट बैंकिङ व्यवसाय गर्न अनुमति पाएको छ ।

मेगाले सोमबार धितोपत्र बोर्डबाट कारोबार अनुमतिपत्र प्राप्त गरेको हो । यस कम्पनीको अधिकृत पूँजी ३० करोड रुपैयाँ र चुक्तापूँजी २० करोड रुपैयाँ छ । मेगाले पूँजी बजारसँग सम्बन्धित निष्काशन तथा बिक्री प्रबन्ध, धितोपत्र प्रत्याभूति, शेयर रजिष्ट्रेशन, लगानी व्यवस्थापन, संस्थागत परामर्श जस्ता मर्चेन्ट बैंकिङ सेवा त्रिपुरेश्वरस्थित केन्द्रीय कार्यालयबाट प्रदान गर्ने सिईओ सुदयकान्त झाले जानकारी दिए ।

ग्राहकहरुको सुविधा, लगानी उद्देश्य तथा आवश्यकतालाई ध्यानमा राख्निे कम्पनीको उदेश्य छ । अब मेगाले केही दिनै औपचारिक कार्यक्रम गरी विधिवत् रुपमा कारोबार प्रारम्भ गर्नेछ ।

प्रकाशित समय ०९:१५ बजे