बेलायतको प्रतिष्ठित पत्रिका युरोमनीले लगातार दोस्रोपटक पनि नबिल बैंकलाई ‘नेपालको उत्कृष्ट बैंक’को रूपमा पुरस्कृत गरेको छ । समग्र बैकिङ कार्यसम्पादन मूल्या‌ंकनमा उत्कृष्ट ठहरिएपछि युरोमनीले नबिललाई पुरस्कृत गरेको हो ।

समकालीन बैंकहरुमध्ये बदलिँदो परिवेशअनुरूप बैंकले प्रदान गरेको सेवा तथा नाफामा गरेको वृद्धि लगायतलाई आधार मानेर यो अवार्ड प्रदान गर्ने गरिन्छ । सन् १९९२ मा स्थापना भएको ‘युरोमनिज अवार्ड फर एक्सिलेन्स’ अवार्डलाई बैंकिङ क्षेत्रको एक प्रतिष्ठित पुरस्कारको रुपमा लिइन्छ । यो अवार्ड प्रत्येक वर्ष अन्तर्राष्ट्रिय, क्षेत्रीय तथा राष्ट्रिय स्तरका उत्कृष्ट बैंकहरुलाई पहिचान गरी पुरस्कृत गरिन्छ ।

सन् १९८४ देखि आफ्ना ग्राहकहरुलाई सेवा प्रदान गर्दै आएको नबिल बैंकको हालसम्म ११८ शाखा, १७५ एटीएम र १५०० भन्दा बढी नबिल रेमिट एजेन्टहरु रहेका छन् । नबिलले नेपालको बैंकिङ क्षेत्रमा नवीनतम सेवाको सुरुवात गर्न अग्रणी भूमिका खेल्दै आएको छ ।

प्रकाशित समय ११:५९ बजे