ग्लोबल आइएमई बैँकको कर्णाली प्रदेश शाखा कार्यालयले सुर्खेतको विरेन्द्रनगरस्थित मानव सेवा आश्रमलाई न्यानो कपडा वितरण गरेको छ । बैँकले १४औँ वार्षिकोत्सवको अवसरमा संस्थागत सामाजिक उत्तरदायित्वअन्तर्गत कपडा वितरण गरेको हो ।

कर्णाली प्रदेश शाखा कार्यालय प्रमुख विष्णु अर्यालले मानव सेवा आश्रम सुर्खेत शाखालाई कपडा हस्तान्तरण गरेका छन् । बैँकले समाजलाई टेवा पु‑याउने उद्देश्यका साथ सामाजिक उत्तरदायित्वअन्तर्गत विभिन्न समाज उपयोगी कार्य गर्दै आएको छ ।

देशका ७३ जिल्लामा बैँकका २६४ शाखा, २४० एटीएम, २४३ शाखारहित बैँकिङ इकाइ, २७ सरकारी राजस्व संकलन काउन्टर, १ सीडीएस एन्ड किल्यरिङ काउन्टर, १९ एक्सटेन्सन काउन्टर र तीनवटा वैदेशिक/प्रतिनिधि कार्यालय छन् ।

प्रकाशित समय ०९:२९ बजे