नेपाल धितोपत्र बोर्डले ग्रीनलाइफ हाइड्रोपावर कम्पनीलाई १८ करोड रुपैया बराबरको १८ लाख कित्ता साधारण सेयर बिक्रीका लागि अनुमति दिएको छ ।

बोर्डका अनुसार पहिलो चरणमा आयोजना प्रभावित क्षेत्रका लागि साधारण सेयर बिक्री गरिने छ । कम्पनीको कूल चुक्ता पूँजीको दश प्रतिशतले हुन आउने १८ लाख कित्ता साधारण सेयर बिक्री गरेपछि सर्वसाधारणलाई सेयर बिक्री गरिनेछ ।

सो कम्पनीको शेयर बिक्री प्रबन्धक काठमाडौँ क्यापिटल लिमिटेड हो । कम्पनीले दोलखामा खानीखोला ‘एक’ जलविद्युत् आयोजना निर्माण सम्पन्न गर्ने तयारी गरेको छ । आयोजनाको क्षमता ४० मेगावाट छ तर हाल सो आयोजनाले २५ मेगावाट क्षमताको आयोजना मात्रै सञ्चालनमा ल्याउने तयारी गरेको छ ।(रासस)

प्रकाशित समय ०८:५५ बजे