संसदीय सुनुवाइ विशेष समितिले प्रधानन्यायाधीशका लागि सिफारिस भएका सर्वोच्च अदालतका कामु प्रधानन्यायाधीश दीपकराज जोशीविरुद्ध उजुरी दिन सबैसँग आह्वान गरेको छ । जोशीविरुद्ध कुनै उजुरी भए शुक्रबारदेखि १० दिनभित्र दिन सक्ने गरी समितिले समय तोकेको हो ।

समितिको बिहीबार बसेको बैठकले जोशीविरुद्ध उजुरीको दिन आह्वान गर्ने निर्णय गरेको थियो । सोहीअनुसार उजुरी दिनका लागि शुक्रबारदेखि साउन ६ गते आइतबारसम्मको समय निर्धारण गरिएको हो ।

सर्वोच्च अदालतका प्रधानन्यायाधीश गोपाल पराजुलीले नागरिकताको जन्ममिति विवादका कारण पदबाट राजिनामा दिएपछि जोशी कामु प्रधानन्यायाधीश बनेका थिए ।

प्रकाशित समय ११:१८ बजे