जापानिज सवारीसाधन उत्पादन गर्ने टेरा मोटर्सको आधिकारिक सोरुम विराटनगरमा खुलेको छ । विराट अटो ट्रेडर्सको नाममा विराटनगरको बरगाछीमा सञ्चालनमा ल्याइएको सोरुमको नेपाली कांग्रेसका नेता भक्तिनाथ माझीले उद्घाटन गरे ।

अन्डर नाइन्टिन क्रिकेट टोलीका पूर्वकप्तान युनिल श्रेष्ठले सञ्चालनमा ल्याएको सोरुममा जापानको टेरा मोर्टसले उत्पादन गर्ने इलेक्ट्रोनिक्स स्कुटी, ई–रिक्सा र कर्गो भ्यानको बिक्री गर्ने जनाइएको छ । सोरुमले बढ्दो प्रदूषण नियन्त्रण गर्ने उद्देश्यले बिक्रीमा ल्याएको इलेक्ट्रोनिक्स स्कुटी एकपटक चार्ज गर्दा ८० किलोमिटरसम्म कुदाउन सकिने सोरुम सञ्चालक श्रेष्ठले जानकारी दिए ।

आफ्नै सर्भिस स्टेसनसहित सञ्चालनमा ल्याइएको सोरुमले विराटनगरसहित आसपासका गाउँपालिकाका उपभोक्तालाई सेवा पु¥याउनेछ ।

प्रकाशित समय २१:१३ बजे