निर्मला हत्या प्रकरण छानबिन गर्न प्र्रहरीले नयाँ समिति बनाएको छ । डीआइजी धिरु बस्नेतको संयोजकत्वमा निर्मलाको बलात्कारपछि हत्याको छानबिन नयाँ समिति बनाएको नेपाल प्रहरीका प्रवक्ता एसएसपी शैलेश थापाले जानकारी दिए ।

कञ्ञनपुरर प्रहरीले वास्तविक हत्यारालाई जोगाएर निर्दोषलाई पक्राउ गरेपछि प्रहरीले नयाँ समिति बनाएकाो हो । यसअघि एसएसपी उत्तम सुवेदीको संयोजकत्वमा पाँच सदस्यीय समिति बनाएको थियो ।

गृहमन्त्रालयले दुई डिएसपीसहित पाँच प्रहरी अधिकारीलाई निलम्बन गरेपछि प्रहरीले छानबिनका लागि नयाँ समिति बनाएको हो । समितिले निलम्बनमा परेका प्रहरी अधिकारीसँग पनि बयान लिने छ ।

सरकारले शनिबार राति प्रहरी नायब उपरीक्षकहरू ज्ञानबहादुर सेटी र अंगुर जिसी, प्रहरी निरीक्षकहरू जगदीश भट्ट र एकेन्द्र खड्का तथा प्रहरी सहायक निरीक्षक रामसिंह धामीलाई निलम्बन गरेको थियो ।

यसअघि, सरकारले छानबिनमा लापर्बाही गरेको आवाज उठेपछि कञ्चनपुरका तत्कालीन प्रहरी प्रमुख डिल्लीराज विष्टलाई निलम्बन गरेको थियो । नयाँ समितिले हत्याको छानबिन गरी दोषीलाई कारबाहीको लागि सिफारिस गर्ने छ ।

प्रकाशित समय १५:२८ बजे